Plantun de Prouvènço

Pèr coumpara dos planto d'encò nostre

Potentilla neglecta & Teucrium botrys

Potentilla neglecta

Rosaceae

Nom en français : Potentille négligée.

Descripcioun :
Lou fragoun-neglegi es uno planto que sèmblo forço au fragoun-argenta Potentilla argentea e souvènt discouneigu au nostre. D'efèt èi bèn dre e cubert de péu blanc aleva lou dessubre di fueio. Se destrìo de soun cousin majamen emé si fueio di cinq partido facho de forço dènt (9 à 33) sarrado (fotò). Li péu podon èstre eici long de mai de 0,5 mm o crespu. Coumpara emé lou fragoun-argenta que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 9 à 12 mm
Flourido : Printèms - Estiéu

Sòu : Si
Autour basso e auto : 0 à 2200 m
Aparado : Noun

Liò : Tepiero sablouso - Roucaio - Terraire safrous
Estànci : Subremediterran à Subaupen
Couroulougi : Éurasiatico
Ref. sc. : Potentilla neglecta Baumg., 1816

Calamandrié-feméu

Teucrium botrys

Lamiaceae Labiaceae

Noms en français : Germandrée botryde, Germandrée en grappe.

Descripcioun :
Planto bèn drecho de l'an, peludo e glandulouso que trachis sus li roucaio, esboudèu, tepiero seco e en ribo de camin, majamen en basso mountagno. Se recounèis à si flour roso qu'an uno grosso gibo sus lou calice e à si fueio penado.

Usanço :
Lou calamandrié-feméu es uno planto vertuouso toujour utilisado en fitouterapìo. Es uno planto au goust amar que fai susa, bon contro li fèbre e li verme. Se dis qu'èi tounico.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Teucrium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Roucaio - Colo - Basso mountagno - Esboudèu
Estànci : Mesoumediterran à Mountagnard
Couroulougi : Pancaro entresigna
Ref. sc. : Teucrium botrys L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Potentilla neglecta & Teucrium botrys

ges

Coumpara Fragoun(-neglegi) emé uno autro planto

Coumpara Calamandrié-feméu emé uno autro planto